Sortida : culhida ensaladas salvajas

« Ensaladas salvatjas »

Dimenge 29 de març lo Cèucle Occitan Vendarguòu a convidat l’etnobotanista Josiana Ubaud.

La tòca d’aquèla passejada èra d’aprene a descovrir e a reconeisser la riquesa de nòstre patrimòni vegetal. Un trentenat de personas es anat culhir d’ensaladas salvajas pel campestre de Bannières. Avèm trapat petarels, pòres, terra grepia, roqueta, san Josèp, arrucats, pan blanc, pimpinèla, rosèla, fenolh, espargue, barbaboc, pissenlièch, borsa de pastre. N’en avián de plenas banastas.

Mas lo ven bufava tan fòrt que tota la còla èra contenta de bèure quicòm de caud a la fin de la tantossad e de manjar de pastissons, ofèrts per lo Cèucle Occitan. Pendent aquèl agradiu moment cadun a presentat sa culhida a la saberuda Josiana que nos a desvelat los secrets de las sièunas gostosas receptas.